Најновата продажба на акции на вработените, во вредност од 42 милијарди, многу членови на тимот ги претвори во милионери – некои инкасираа и до три милиони долари. Canva на овој начин ја наградува лојалноста и ги задржува кадрите, што е реткост меѓу технолошките компании.
Растот е импресивен и во бројки: компанијата остварува 3,3 милијарди долари годишен приход, а бројот на претплатници ја надмина бројката од 26 милиони. Во бизнис-секторот бележи огромен успех – ја користат дури 95% од компаниите на Fortune 500, а сегментот enterprise во последната година е двојно зголемен.
Големо внимание привлече и лансирањето на пакетот Visual Suite 2.0, кој донесе низа AI иновации. Меѓу нив се Canva Sheets, интелигентна табела со визуелни графикони, Canva Code, алатка што генерира интерактивни апликации од текстуални команди, и концептот One Design, каде што презентации, документи и веб-алатки се спојуваат во единствена работна површина.
Неодамнешното партнерство со Claude AI на Anthropic овозможи корисниците да креираат дизајни директно преку текстуални инструкции, што дополнително ги поместува границите на креативноста.
Се очекува Canva да излезе на берза во 2026 година, а нејзината моментална вредност веќе ја надминува онаа што ја имаше Figma пред IPO. Основачите Мелани Перкинс и Клиф Обрехт најавија дека 80% од својот удел ќе го донираат за филантропски цели, додека нивното богатство се проценува на речиси 20 милијарди долари.
Canva така станува не само глобален лидер во дизајнот, туку и пример на компанија што ги спојува иновациите, општествената одговорност и грижата за своите вработени.
